(ВИДЕО) Пратеник на Влен со навреди кон Македонците – Изет Меџити ракоплеска во публика

Како се доближува денот на локалните избори така растат навредите и провокациите кон Македонците од високи претставници на ВЛЕН кој е дел од коалицијата со ВМРО-ДПМНЕ.

Аднан Азизи, актуелен пратеник од редовите на ВЛЕН, шеф на штабот и близок роднина на Билал Касами, познат како „Оџата од Ларце“, јавно на отворањето на штабот на ВЛЕН во центарот на Тетово, пропагираше националистички тези. Тој изјави дека ВЛЕН се на страната на Албанците и дека ќе го стопираат секој „српски проект“ кој, според него, им штети на Албанците, а ги фаворизира Словените (мислејќи на Македонците).

Овие пораки беа изнесени пред околу 300 присутни граѓани, во присуство на Изет Меџити и Арбен Фетаи, кои ракоплескаа на ваквите изјави.