(Видео) Премиерот Ковачевски на гравче и риба со студентите во „Гоце Делчев“

Ковачевски објави видео на Фејсбук со кое порача дека студентите се иднината на оваа држава
Премиерот Димитар Ковачевски бееше на ручек со студентите во студентскиот дом „Гоце Деллчев“. Тие ручаа гравче со колбаси.

Ковачевски објави видео на Фејсбук со кое порача дека студентите се иднината на оваа држава.
„Тие секогаш ќе имаат право да го искажат своето мислење, да бидат дел од процесот и да учествуваат во носењето на одлуките кои ги засегаат нив. Ние сме тука да ги слушнеме нивните ставови, да разговараме со нив и да носиме заеднички политики за подобрување на нивниот стандард!“,
напиша Ковачевски.
Тој е дециден дека додека е претседател на Владата, гласот на студентите ќе се слуша.

„Студентите ќе бидат дел од процесот. Бидејќи студентите секогаш имаат право да ги кажат своите ставови, конструктивно, а ние треба да сме тука да ги слушаме тие ставови – да разговараме и да превземаме мерки за подобрување на нивниот стандард. Бидејќи тие се иднината на оваа држава. И одлуките кои што јас ги носев, тие мачни одлуки за кои што ви зборував, тие одлуки ги носев за идните генерации. А идните генерации на оваа држава се токму тие студенти што седат кои што сега седат во клупите на сите универзитети во државата. Студентите никој не може да ги тргне од мене. И реков дека никој нема да биде оставен сам и никој не е оставен сам“, вели премиерот во видеото.