(Видео) Претседателот на Португалија помогна во спасувањето на две жени што се давеле во морето
Португалскиот претседател, Марсело Ребело де Соса (71), помогна во спасувањето на две жени чиј кајак се превртел.
Претседателот допливал до жените што ги одвлекле морските струи, а се придружиле и уште две лица што помогнале во моментот на незгодата.
Ребело де Соса во моментот е на одмор во јужната провинција Алгарве.
Економијата на Португалија е многу зависна од туристичкиот сектор, кој беше силно погоден од пандемијата на коронавирусот.
