ВИДЕО: Реки студенти и граѓани во Белград, „Славија“ преполна на Видовден – Ќаците ги гаѓаа со шишиња и јајца

28.06.2025 20:52
1,465 2 минути читање

Протестот „Се гледаме на Видовден“, кој го свика студентското движење, се одржува денеска во Белград.

Митингот на плоштадот „Славија“ е еден од серијата протести што траат неколку месеци, предизвикани од смртта на 16 лица на 1 ноември минатата година при падот на настрешницата на неодамна реновираната железничка станица во Нови Сад.

 

Голем дел од јавноста ја обвинува владата за несреќата, обвинувајќи ја за коруптивни практики и лошо извршени работи, додека врвот на владата ги нарекува студентите, општествените групи што ги поддржуваат и опозицијата „блокадери“ и „терористи“, а протестите и студентските акции „шарена револуција“.

 

 


Српскиот претседател Александар Вучиќ изјави пред протестот дека очекува насилство на крајот од митингот. „Според нашата проценка, од 20:45 до 21:45 часот очекуваме почеток на насилство, но ние сме подготвени“, рече Вучиќ.

Протестот почна со 16 минутно молчење, во чест на жртвите од падот на настрешницата на железничката во Нови Сад, а еден човек кој се обиде да ја наруши, беше отстранет.

Според студентите, а и снимките од дронови во Белград на улиците има половина милион луѓе, иако полицијата јавува за официјална бројка од 36.000.

Од Ќациленд, каде пак се собрани поддржувачите на власта и студенитите кои бараат да продолжи работата на факултетите, кон учесниците кои се собираа на Видовденскиот протест, фрлаа со шишиња, јајца и други предмети, а со слични провокаци се соочија и граѓаните од други делови на Србија, кои доаѓаа во Белград, да присуствуваат на големиот собир, уште при влезот на Автокоманда.

„Литературната вечер“ заврши

Програмата како дел од „литературната вечер“, која ја организираше владата пред Народното собрание на Србија, заврши кратко по 18 часот, но голем број обезбедувачи сè уште беа распоредени кон улицата „Таковска“, објавува Фонет.

 

Поддржувачите на владата се собраа од 14 часот покрај шаторите поставени на платото пред зградата на Собранието за да присуствуваат на „литературна вечер“ организирана од студенти од иницијативата Студенти 2.0.

„Литературната вечер“ започна со говор на Драгослав Бокан, присутни беа и министри

Репортерот Н1, кој известуваше од просторот пред Народното собрание на Србија, каде што се одржува „литературната вечер“, објави дека проекцијата на филмот е во тек и дека „енигма е што ќе се случи по нејзиното завршување, бидејќи филмот претставува самиот крај на денешната манифестација“.

Граѓаните, според извештајот на репортерот, сè уште не се распрснуваат, а на терен се и стражарите. Од двете страни има припадници на полицијата во опрема за разбивање на демонстрациите. Пред околу еден час, голема група полицајци влегоа во просторот на плоштадот Никола Пашиќ и се упатија кон паркот „Пионирски“.

Во првиот ред, како што објави репортерот, не беше Александар Вучиќ, туку министрите Братислав Гашиќ, Златибор Лончар, Никола Селаковиќ, Александар Вулин и Горан Радосављевиќ Гури. Книжевната вечер, според извештајот на Н1, започна со говор на Драгослав Бокан.

Студентите имаат две барања
Студентите повторуваат дека во 21 часот истекува рокот за исполнување на двете барања што ги поставија. Првото барање е Владата да достави предлог до претседателот на Република Србија за распуштање на Народното собрание, со цел распишување вонредни парламентарни избори.

Второто барање е Владата да апелира до Министерството за внатрешни работи да го прекине наводно пријавениот собир во паркот „Пионирски“ и улицата „Трг Николе Пашиќа“ до вечерва во 21 часот, во согласност со Законот за јавни собири.

За потсетување, во паркот „Пионирски“ има шаторска населба каде што живеат мала група Студенти 2.0 и поддржувачи на Вучиќ како противтежа на студентското движење. За денес беше закажана литературна вечер, додека трае протестот на студентите и граѓаните, во тој простор.

 

Back to top button
Close