(Видео) „Сами се бориме со огнот“ – Мештаните на Чучер и Горњане бараат помош – „Ако не интервенира некој отиде манастирот!“
Жителите на Чучер Сандево, конкретно на Чучер и Горњане се жалат дека сами се борат со огромниот пожар кој брзо се шири затоа што нема соодветна реакција од страна на надлежните.
Мештаните бараат итно да се реагира, затоа што пожарот може да зафати и куќи, но и цркви и манастирот „Свети Никита“ кој датира од 13 век.
Според мештаните моментално на терен е само локалното население кое нема сила ниту да го локализира, а камо ли сами да го изгасат пожарот.
Од ДЗС се уште не одговараат дали и како се реагира за справување со овој пожар.
