(ВИДЕО) Тајкуни загинаа во судир на два хеликоптери над Финска

Судир на два хеликоптери близу аеродромот во Финска резултираше со смрт на пет лица, меѓу кој и двајца естонски тајкуни, Олег Снајалг (58), пионир во енергетиката, и Прита Јаганта (52), врвен естонски менаџер.

Хеликоптерите, двата со четири седишта, биле упатени од Тулин кон приватен авијациски собир во Финска. Естонскииот бизнисмен Вајно Калдоја, основач на компанијата Силберауто, ги потврди идентитетите на двајцата тајкуни за локалните медиуми.

– Прит Јаганта и Олег Снајагл биле во сопствените хеликоптери кои се удриле еден во друг, рече Калдоја.

Според тамошните власти во хеликоптерите имало пет лица, три во едниот и две во другиот. Естонскиот јавен сервис по информации на естонското МНР јавува дека никој од петте лица го нема преживеано падот.