(Видео) Трамп ја „украде“ прославата: Го предаде трофејот на Челзи и одби да го напушти подиумот
Челзи го освои Светското клупско првенство победувајќи го ПСЖ со 3-0 во финалето на стадионот „Џајантс“ во Њу Џерси. Стрелци беа Кол Палмер во 22-та и 30-та минута и Жоао Педро во 43-та минута. Сепак, американскиот претседател ја украде претставата за победниците.
По натпреварот, се одржа церемонија на доделување награди. Роберто Санчез ја прими Златната ракавица, а Кол Палмер Златната топка. Потоа Доналд Трамп му го врачи на Челзи трофејот за победник на Светското клупско првенство.
Сепак, откако им го предаде трофејот на играчите на Челзи, американскиот претседател остана да прослави со нив на свечениот подиум. Победниците очекуваа тој да се оддалечи за да можат да слават без него и беа очигледно изненадени што Трамп е сè уште со нив. Ова беше очигледно од реакцијата на капитенот Риси Џејмс, а особено од изразот на лицето на Кол Палмер.
Херојот на Челзи не можеше да поверува дека Трамп го зазема неговото место во првиот ред на прославата и им рече на своите соиграчи да почекаат додека гостинот, кој останал подолго отколку што требало, не си замине. Фудбалските фанови на социјалните мрежи масовно го истакнуваат ова и шокираното лице на Палмер кога видел дека Трамп останува на прославата.
Претседателот на ФИФА, исто така, се обиде да го отстрани Трамп, но безуспешно
Потоа претседателот на ФИФА, Џани Инфантино, се обиде да го отстрани Трамп, но ни тогаш не попушти и си замина дури подоцна.
