(ВИДЕО) Тренчевска: Со ребалансот власта крати 30 милиони евра од социјални трансфери

Прес – конференција на СДСМ, Јована Тренчевска – пратеничка

Додека граѓаните се соочуваат со поскапувања, зголемена сиромаштија и се полош животен стандард, владата одлучува во најголемиот буџет во историјата да скрати над 30 милиони евра од социјални трансфери и субвенции.

Нема власта пари за поголеми плати за работниците, нема пари за нови мерки за поддршка на стандардот, нема пари за детски додаток, за посебен додаток за децата со попреченост, за поголем образовен додадок, нема пари за повредените и семејствата на загинатите во Кочани.

Има пари само за нови луксузирања на функционерите на власта. И тоа е поразително.

Со овој ребаланс власта крати пари за најранливите – за детски додатоци, образовен додаток, додатоци за деца со попреченост, лични асистенти, заштитни друштва каде се вработени лица со попреченост, жртви на семејно насилство.

Лични асистенти на лица со попреченост и негуватели на услугата помош и нега во домот на стари лица, немаат добиено надоместок од април 2025 а сега дополнително се кратат пари за најранлиците. Организациите кои се борат против семејното насилство остануваат со намален буџет од 20 милиони денари, токму во момент кога самиот министер признава алармантен раст на семејното насилство!

Ставката за нови градинки се зголемува, но вистинската причина не е дека има нови проекти туку реализацијата до 1 јули беше нула денари, не можат проектите на СДСМ да ги завршат.

Истовремено, додека крати пари за народот власта ги зголеми за 30 милиони евра трошоците за сопствено луксузирање – за стоки и услуги за функционерите, за приватни авиони, папаја и манго.

Ова е срамно понижување на граѓаните, на ранливите, на оние на кои им е непходна помош и поддршка во ова тешко време! Владата избра да го штити својот луксуз, а не стандардот на народот

Загрижува тоа што со овој ребалнст се гледа дека дупката во ПИОМ расте а наплатата на придонесите не оди добро. Тоа на долг рок значи загрозување на исплатата на пензиите на нашите пензионери.

Овој ребаланс е потврда за: економскиот неуспех на Владата, за ингорантскиот однос на власта за потребите на граѓаните и социјално ранливите.

Затоа СДСМ поднесува 160 амандмани со кои бараме:

Покачување од 20% на детски додаток, еднократна парична помош за новороденче, родителски додаток за дете, додаток за образование.

-Покачување од 10% на социјалната заштита, гарантирана минимална помош, надоместок заради попреченост, надоместок за помош и нега од друго лице, правото на социјална сигурност на стари лица.

-30 милиони денари за невладините организации, Националните инвалидски организации, нивните здруженија и нивната асоцијација, на здруженија за борба против семејното насилство и за Црвениот крст на Република Северна Македонија

-934 милиони денари за семејствата на загинатите и повредените во трагедијата во Кочани;

-60 милиони за реновирање и 20 милиони за опрема во болницата во Кочани;

-Финансиска помош за студенти од социјално загрозените семејства

-Финансиски додаток на студенти со попреченост

-Бесплатен превоз за ученици од руралните места.

Овие амандмани се реални, праведни и изводливи – но потребно е да се прекине луксузирањето и расипништвото на власта и парите да се насочат кон оние на кои им се најпотребни.

Ги повикуваме сите пратеници во Собранието – без оглед на политичката припадност – да ги поддржат овие амандмани.

Време е за буџет кој ги става граѓаните во фокус, а не функционерите. Не за папаја и манго – ДА за Кочани, за децата, за ранливите, за студентите, за пензионерите, за Македонија!

160 амандмани за Кочани, за ранливите, младите – СДСМ бара пари за граѓаните, не за манго и папаја

СДСМ поднесува 160 амандмани на ребалансот на Буџетот со една јасна порака – пари за граѓаните, не за луксузот на функционерите!

„Додека граѓаните се соочуваат со поскапувања, зголемена сиромаштија и се полош животен стандард, владата одлучува во најголемиот буџет во историјата да скрати над 30 милиони евра од социјални трансфери и субвенции“, посочи пратеничката на СДСМ, Јована Тренчевска на денешната прес конеференција.Во услови кога нема пари за: повисоки плати, нови мерки за поддршка на стандардот, детски и образовни додатоци, надоместоци за деца со попреченост, повредените и семејствата на загинатите во трагедијата во Кочани, има пари за нови луксузирања на функционерите на власта, за „стоки и услуги“, за приватни авиони, папаја и манго, рече таа.

„Со овој ребаланс власта крати пари за најранливите – за детски додатоци, образовен додаток, додатоци за деца со попреченост, лични асистенти, жртви на семејно насилство… Ова е срамно понижување на граѓаните!“, истакна Тренчевска.

Преку 160 амандмани СДСМ бара:

-Зголемување од 20% на детски додаток, парична помош за новороденче, родителски и образовен додаток.

-Зголемување од 10% на социјалната помош, надоместоци за попреченост и за нега од друго лице.

-30 милиони денари за здруженија што се грижат за ранливи категории и борба против семејно насилство.

-934 милиони денари за повредените и семејствата на загинатите во трагедијата во Кочани.

-Поддршка за студенти од социјално загрозени семејства и студенти со попреченост.

-Бесплатен превоз за ученици од руралните средини.

„Овие амандмани се реални, праведни и изводливи – но потребно е да се прекине луксузирањето и расипништвото на власта и парите да се насочат кон оние на кои им се најпотребни“, подвлече Тренчевска, повикувајќи ги сите пратеници без оглед на политичката припадност да ги поддржат.

„Време е за буџет кој ги става граѓаните во фокус, а не функционерите. Не за папаја и манго – ДА за Кочани, за децата, за ранливите, за студентите, за пензионерите, за Македонија!“, заклучи Тренчевска.