(ВИДЕО) Захарова го обвини Макрон дека криел кокаин во возот за Киев! Париз: На видеото има марамче за дување нос, Москва шири лажни вести
Портпаролката на Министерството за надворешни работи на Русија, Марија Захарова, на Телеграм сподели видео од францускиот претседател Емануел Макрон, британскиот премиер Кир Стармер и германскиот канцелар Фридрих Мерц во воз на пат кон Киев.
Захарова напиша под објавата дека судбината на Европа е одредена „во секоја смисла, од зависни привремени владетели“.
„Откако го убедија Зеленски во уште една пеколна интрига со цел да се спречи решавањето на конфликтот и да се продолжи крвопролевањето во Европа, како на шега – еден Французин, еден Англичанец и еден Германец се качија на возот и… се оддалечија. Очигледно толку многу што заборавија да ги тргнат реквизитите пред да пристигнат новинарите“, напиша Захарова.
Истото тврдење го споделија бројни профили на Твитер, а станува збор за видео од АФП, на кое се гледа како Макрон зема бел предмет од масата и го крие под рака.
🚨DEVELOPING: Macron, Starmer, and Merz caught on video on their return from Kiev. A bag of white powder on the table. Macron quickly pockets it, Merz hides the spoon. No explanation given. Zelensky, known cocaine enthusiast, had just hosted them. Connect the dots. pic.twitter.com/aROGuf06Nm
— Dr. Simon Goddek (@goddeketal) May 11, 2025
Елисејската палата објави одговор, иако француските медиуми официјално заклучија дека информациите се лажни. Палатата објави две фотографии од истиот настан. На една зголемена фотографија има марамче, а под оваа фотографија е натписот: „Ова е марамче за дување на носот“.
На втората фотографија се прикажани Макрон, Кир Стармер и Фридрих Мерц. „Ова е европско единство. За градење мир“, напишаа тие подолу. Тие исто така изјавија дека ќе продолжат да се борат против манипулациите.
„Кога европското единство станува незгодно за некои, дезинформациите одат дотаму што обичното марамче изгледа како дрога. Овие лажни вести ги шират непријателите на Франција, и во странство и дома. Мора да останеме будни против манипулациите“, порачаа тие од Париз.
