(Видео) Заврши средбата на мешовитата историска комисија без договор

Заврши средбата на мешовитата Комисија Комисија за историски и образовни прашања, но без конкретен договор во однос на содржината на учебниците за 7 одделение во Македонија

Првиот човек на македонската страна од Комисијата, Драги Ѓорѓиев во ијзава за медиумите средбата ја оцени како позитивна, но откри дека немало никаков конкретен заклучок во врска со дискутираната тема.

„Дискутиравме отворено, имаше конструктивна атмосфера. Дискутиравме за учебниците од 7 одделение во македонсккиот образовен систем и забелешките на колегите од Бугарија во однос на тие учебници. Разговаравме за дневниот ред кој веќе две три седници наназад се провлекува и мислам дека имавме една позитивна атмосфера во разговорите. Продолжуваме утре во 9:30 часот. Денеска дискутиравме само за учебниците, но се уште нема никаков конкретен резултат или конкретен заклуччок. Дискусиите продолжуваат утре на иста тема“, изјави Драги Ѓорѓиев.