(ВИДЕО) Знамето на НАТО од денеска се вее пред Амбасадата на Шведска во Скопје
Кусо видеообраќање по кревањето на НАТО-знамето во кругот на шведската амбасада имаше амбасадорката Ами Ларсон Џејн која се заблагодари за поддршката на С Македонија за членството на Шведска во НАТО и порача дека напуштајќи ја воената неутралност, земјата има намера да даде силен придонес, единство и солидарност во Алијансата
Знамето на НАТО од денеска се вее пред зградата на Амбасадата на Шведска во Скопје, откако земјата пред неколку дена и официјално стана 32. членка на воената Алијанса.
„Денеска е направен историски чекор. Знамето на Шведска и НАТО-знамето од денеска заедно се веат и пред Амбасадата на Шведска во Скопје“,
објави шведската амбасада во Скопје на социјалната мрежа Икс.
Today a historic step was made.
The 🇸🇪 flag and the @NATO flag also fly together outside the Embassy of Sweden in #Skopje.#WeAreNato #StrongerTogether pic.twitter.com/FXaeWqOlpe— Sweden in North Macedonia (@SwedeninMK) March 11, 2024
Кусо видеообраќање по кревањето на НАТО-знамето во кругот на шведската амбасада имаше амбасадорката Ами Ларсон Џејн која дека напуштајќи ја воената неутралност, Шведска има намера да даде силен придонес, единство и солидарност со нејзиното членство во НАТО-Алијансата.
Дополнително, шведската амбсадорка се заблагодари за политичката поддршка на С Македонија за апликацијата на Шведска за нејзното членство во НАТО.
„Ви благодариме Северна Македонија што нè пречекате во Алијансата! #ПосилниЗаедно #НиеСмеНАТО“,
се додава во објавата на Икс.
Thank you #NorthMacedonia, for welcoming us into the alliance! #StrongerTogether #WeAreNATO
Check the video with a message from @SweAmbassadorMK Ami Larsson Jain👇 pic.twitter.com/Swl6IM3xLL— Sweden in North Macedonia (@SwedeninMK) March 11, 2024
Шведска официјално стана 32. членка на НАТО откако премиерот Улф Кристерсон го депонираше инструментот за пристапување до САД на 7 март годинава, означувајќи го крајот на 20-месечното чекање кое започна во мај 2022 година, кога земјата поднесе барање за приклучување заедно со Финска, поттикната од руската инвазија на Украина. Финска минатата година стана 31-ва членка на НАТО.
