Влада: Изминатото деноноќие произведени 16.545 мегават часови електрична енергија
АД ЕСМ вчера произведе 16.545 мегават часови електрична енергија, со што целосно ги задоволи потребите на домаќинствата и малите потрошувачи, информираат од Владата.
При тоа, како што нагласуваат, во термоелектраните се произведени 11.677, а во хидроелектраните и во Ветерниот парк Богданци 4.868 мегават часови електрична енергија.
-Во изминатото деноноќие преку ЕСМ Продажба набавени се 1.120 мегават часови електрична енергија. Тоа е електрична енергија наменета за болници, градинки, училишта, јавни претпријатија, капацитети од прехранбената индустрија и објекти од виталната инфраструктура во државата, посочуваат од Владата.
