Владата одобри инвестиции за соларни електрани во Делчево и Карбинци вредни 116 милиони евра

Владата на денешната 125. седница донесе одлука за утврдување статус на стратешки инвестициски проект на фотонапонска електрана со јачина од 85 мегавати на Друштвото за производство, трговија и услуги „Ринуабл пауер интернатионал“ ДООЕЛ Скопје.

Соларната електрана вредна 63 милиони евра ќе биде изградена во Делчево.

Владата на денешната седница донесе уште една одлука за утврдување стратешка инвестиција за компанијата „ХЕК солар МК“ ДООЕЛ Скопје, којашто ќе инвестира во изградба на фотонапонска електрана со јачина од 70 мегавати и со вредност од 53 милиони евра.

„ХЕК солар  МК“ соларната електрана ќе ја гради во атарот на Долни Балван во општина Карбинци.