Ѝ влегол дома преку незаклучена врата, кога го затекнала како краде накит, ја бутнал и избегал

Крадец влегол во стан на Бит-пазар преку незаклучена врата додека сопственичката била дома. Кога го затекнала како и го краде накитот, ја бутнал и избегал. Овој случај, како што информира Министерството за внатреешни работи (МВР), вчера е пријавен во полиција, а се преземаат мерки за негово расчистување.

„Вчеравечер во 22:50 часот во Секторот за внатрешни работи (СВР) Скопје, 48-годишна жена пријави дека 25.10.2025 година околу 19 часот во домот на подрачјето на Бит-пазар, едно лице влегло преку незаклучана врата, по што и одзело личен накит. Откако таа го затекнало, тој ја бутнал и се дал во бегство“,се вели во полицискиот билтен.
Полицијата презема мерки за расчистување на случајот.