ВМРО-ДПМНЕ за новата „бомба“: Што ли кажал вчера Боки 13 што власта се испаничи за едно одење во болница?

26.06.2020 17:16
551 Читање помалку од 1м

Во првичната реакција за снимката, која упатува на средби на Мицкоски со Камчев, опозициската партија посочува на вчерашниот исказ на Бојан Јовановски во скопското обвинителство

ВМРО-ДПМНЕ ја поврзува последната аудиоснимка, која упатува на средби што опозицискиот лидер Христијан Мицкоски ги имал со бизнисменот Орце Камчев – пред откривањето на аферата „Рекет“, со вчерашното појавување на осудениот Бојан Јовановски-Боки 13 пред Основното јавно обвинителство-Скопје.

„Што ли толку впечатливо кажал Бојан Јовановски во новиот исказ пред Обвинителството за власта толку да се засегне и толку панично да реагира и за едно обично одење во болница“,гласи првичната реакција од ВМРО-ДПМНЕ откако денеска беше објавена снимката која практично е продолѓение на разговорот на Мицкоски со Зоран Милевски-Кичеец, кој призна вина за „Рекет“

Во снимката, Мицкоски му се жали на Кичеец дека бил фотографиран кога одел кај Камчев, со оглед на тоа што бизнисменот, кој е осомничен за „Империја“ на СЈО, бил под ПИ-мерки.
 
Минатиот месец, кога беа објавени првите снимки од разговорите Мицкоски-Кичеец, лидерот на ВМРО-ДПМНЕ ја потврди нивната автентичност и не негираше дека се среќавал со осудениот за „Рекет“ околу ланските претседателски избори.
Бојан Јовановски-Боки 13, кој беше првообвинет за „Рекет“ и доби највисока неправосилна пресуда, пак, вчера, на свое барање, беше во Основното јавно обвинителство-Скопје, каде што поднел повеќе кривични пријави за злоупотреба на службена положба и овластување, изнуда, измама….

 

Back to top button
Close