Во Белгија основана десничарска партија наречена ТРАМП

Поранешниот лидер на Белгискиот Национален Фронт, Салваторе Никотра, основа нова крајно десничарска франкофонска партија, ТРАМП, именувана по американскиот претседател Доналд Трамп.

„Доналд Трамп е врвен симбол на популизмот. Тој веднаш го отелотворува она за што се залагаме“, рече Никотра, основач на партијата ТРАМП, чие име е акроним од „Сите обединети за Унијата на популистички движења“ (Tous Reunis pour l’Union des Mouvements Populistes).

Никотра нагласи дека, за разлика од фламанската партија Влаамс Беланг, најголемата крајно десничарска партија во Белгија, новата партија TРАМП нема да се залага за сепаратизам.

Според него, целта на партијата е да учествува на парламентарните избори во Белгија, како и на изборите за Европскиот парламент во 2029 година.

„Ние сме десничарска популистичка партија со социјален призвук“, рече Никотра.

Основачкото собрание на партијата ќе се одржи на 30 ноември, објави Политико.