Во напад во Авганистан убиени 14 припадници на безбедносните сили

– Талибанските борци извршија вооружени напади врз воени и полициски објекти во авганистанските окрузи Имам Сахип и Чардере, соопшти портпаролот на канцеларијата на гувернерот на Кундуз, Есматула Мураду. Движењето на Талибанците ја презеде одговорноста за нападот

Најмалку 14 припадници на авганистанските безбедносни сили загинаа во нападите извршени од талибанските борци во провинцијата Кундуз, јави Анадолија. Двајца припадници се повредени.

Во размената на огнот загинаа тројца напаѓачи, а четворица се повредени.

Движењето на Талибанците тврди дека во нападот се убиени 19 припадници на безбедносните сили.

Back to top button
Close