Во напад во затвор во Иран загинаа повеќе од 70 лица

Во израелскиот напад врз затворот Евин во иранскиот главен град Техеран, кој се случи на 23 јуни, загинаа 71 лице, изјави денес портпаролот на иранското Министерство за правда, Асгар Џахангир.

„Во нападот врз затворот Евин беа убиени 71 лице, вклучувајќи административен персонал, млади мажи кои отслужуваат воена служба, затвореници, членови на семејствата на затворениците кои ги посетувале и соседи кои живееле во близина на затворот“, рече Џахангир, пренесе Ројтерс.

Тој потврди дека преостанатите затвореници се префрлени во други затвори во покраината Техеран.

Во затворот Евин се затворени бројни странски државјани, вклучувајќи двајца француски државјани кои се затворени таму три години.

Израелски воени авиони го нападнаа најозлогласениот затвор за политички затвореници во Техеран, покажувајќи дека ја проширува својата кампања за да вклучи симболи на автократското владеење на иранскиот режим, пренесува Ројтерс.

Извор: mk.tv21.tv