Во Нигерија загинаа 15 лица бегајќи од криминални банди

Најмалку 15 луѓе кои бегаа од напади на криминални групи загинаа во бродолом кога чамецот се превртел на река во северозападна Нигерија, соопштија денеска локалните власти.

Трагедијата се случи во Замфара, една од многуте држави што се тероризирани од банди на северозападниот и централниот дел на земјата. Локално познати како „бандити“, членовите на тие групи крадат добиток, ограбуваат и палат села, киднапирајќи ги жителите за да бараат пари за нивно ослободување.

Патниците, главно жени и деца, се качиле во мал чамец додека вооружени лица нападнале три села во округот Гуми во петокот, наведоа локалните власти.

– Петнаесет патници се удавија кога преоптоварениот чамец се преврте додека ја преминуваше реката, рече локалниот функционер Мухамаду Чигари.

Меѓу жртвите има осум жени, три деца и четири мажи, рече Чигари, кој присуствуваше на погребот на жртвите.

Тој додаде дека биле спасени само три лица