Во Скопје 202 санкционирани возачи 

Само на територијата на град Скопје во текот на вчерашниот ден изречени се вкупно 202 мерки, во рамки на засилените акциски контроли во областа на сообраќајот што ги спроведува Министерството за внатрешни работи.

Од МВР денеска информираа дека за возење без возачка дозвола изречени се 18 санкции, 13 мерки за технички неисправни и нерегистрирани возила, 65 санкции за непрописно паркирани возила, а 49 возила се подигнати од „пајак“ службата, додека 21 санкција за ненозесење заштитна маска.

Засилените сообраќајни контроли продолжуваат и во наредните денови, нагласуваат од МВР и апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот.