Во Скопје претставен поетскиот опус на истакнатиот хрватски поет Валерио Орлиќ
Како дел од програмата за одбележувањето на 24 мај, Денот на сесловенските просветители, светите браќа Кирил и Методиј, денеска напладне, во Музејот на македонската борба во објектот “Порта Македонија”, во Скопје, беше претставен поетскиот опус на истакнатиот хрватски поет Валерио Орлиќ и беше промовирана неговата најнова збирка поезија “Љубов распослана по морето”.
Го претстави професор д-р Васил Тоциновски, додека стихови од најновата збирка на хрватски читааа авторот, а на македонски Сашо Огненовски.
Д-р Тоциновски, добар познавач на хрватската литература, во минатото и денес, и поранешен раководител на Лекторатот по македонски јазик во Риека, Хрватска, нагласи дека Орлиќ е своевиден континуитет на историските културни врски помегу Македонија и Хрватска, кои не враќаат назад низ вековите, се до културната, јазична и просветиотелска средновековна комуникација помегу културните центри Охрид и Дубровник.
Изблик на македонско – хрватското културно поврзување е чинот на печатењето на Зборникот на стружаните, браќата Миладиновци во 1861 година, во Загреб, од страна на бискупот Јосип Јурај Штросмаер.
Подоцна, 1939 година и на збирката поезија “Бели мугри” на Коста Рацин, основачот на македонската современа поезија, во Самобор, крај Загреб.
Врз тоа културно наследство, денеска се потпираат творештвото и присуството на стиховите на Валерио Орлиќ, помегу македонската читателска публика. Не случајно, Орлиќ, мегу другото, е добитник на „Балканската награда за поезија“ на 46-ите “Караманови средби” во Радовиш (2019), како и на „ Струшко слово“ – Струга, 2015 и „Слово“ – Битола, 2016.
Покрај во Македонија, Орлиќ настапувал и во многу земји во светот и е добитник на низа хрватски и мегународни признанија за неговиот придонес во книжевноста во неговата земја, кај нас, потоа во Италија, Словенија, Србија, Бугарија, Полска, Украина и други земји, потенцираше д-р Тоциновски.
Орлиќ е добитник и на Мегународната награда „Хомер“ за придонес во европската и светската книжевност – Брисел, 2018.
Како израз на признателност, Орлиќ денеска беше примен во Министерството за култура, каде се сретна и разговараше со Д-р Биљана Туџарова Ќупева, од Кабинетот на министерката Бисера Костадиноска – Стојческа.
Орлиќ, утре, ќе биде дел од прославата и чествувањето на 24 мај, Денот на сесловенските просветители, мегу етничките Македонци во Албанија, кое содржи низа промоции на книги и поетски читања од страна на автори од Македонија и Албанија.
За таа прилика, од Тирана во Пустец, најавија патување и учество хрватскиот амбасадор во Албанија, Златко Крамариќ, заедно со амбасадорот на Северна Македонија, Данчо Марковаски.
Валерио Орлиќ, истакнат хрватски поет, основач, сега почесен претседател на Хрватското книжевно здружение.
Веле Митаноски