Во сообраќајка кај патарината Отовица тешко повреден 62-годишен жител на велешко Богмила и префрлен на скопските клиники
– Во сообраќајка на автопатот Велес-Скопје, кај патарината Отовица што се случила вчера попладне, тешко е повреден 62-годишен жител на велешкото село Богомила.
Шеесет и двегодишниот С.Г излетал од патот и удрил во ограда. На лице место дошла екипа со возило на Итна помош при ЈЗУ Здравствен дом Велес која му укажала прва помош и итно го транспортирала во Хируршката амбуланта на велешката Општа болница.
Како што информира д-р Василка Пановска поп Стефанова, началник на Итна помош Велес, тој имал повреди на десен надлакт и лев колк и мала рана на чело и по укажаната прва помош бил итно однесен во Хирушката амбуланта на велешката Општа болница.
Како што информира за МИА д-р Весна Неделковска Николова портпарол на ЈЗУ Здраствен дом, повредениот имал тешки повреди на граден кош и по укажаната помош во велешката болница итно бил транспортиран во скопските клиники.
