Во Србија почина 13 – годишно момче од Ковид, четири бебиња се на респиратори
Во Србија, соочена со предупредувачки висок тренд на смртни случаи и нови инфекции во петтиот бран, се зголемуваат барањата да се воведе 24 часовна важност на Ковид – пропусниците, а не како сега по 22 часот .
Бројот на нови заразени од почетокот на септември постојано е над 5.000 на дневна основа, а најмногу заразени од почетокот на пандемијата се регистрирани на 28 септември – 8467.
Оваа вест изминативе денови беше проследена со извештаи од детските болници за четири бебиња на респиратори. 13-годишно момче за кое било потврдено дека има Ковид-19 пред еден месец, починало од белодробна емболија во Сомбор во петокот вечерта.
Реакциите, критиките и предупредувањата на експертите за загрижувачката статистика на корона се движат од забелешки засновани на медицински индикации дека научните основи на епидемиологијата и вирусологијата не се почитуваат до политичките оценки дека владата има „демагогичен пристап кон пандемијата, сведена на одземање на гласачите“.
Минатата недела беше одбележана со протести на антиваксерите и десничарите пред домовите и куќите на поедини лекари и медицински членови на Кризниот штаб, со закани од демонстрантите кои носеа жолти ленти на кои пишува „Не сум вакциниран“. Ова дел од критичката јавност го оцени како директна алузија на комеморацијата на Евреите за време на катастрофалните последици од фашизмот и нацизмот во минатиот век.
Последното во низата предупредувања од професијата беше изречено вчера, кога епидемиологот на Студентската поликлиника во Белград, др. Мила Пауниќ најавила дека има зголемување на бројот на заразени студенти и дека „не памети дека досега имале толкав притисок во ниеден бран“, кога се повеќе здравствени работници се разболуваат.
Категорично инсистирајќи на тоа дека „нема сомнеж дека пропусниците за Ковид мора да важат 24 часа на ден“, Пауниќ рече дека „никој не смее да одлучува освен лекарите“ кои се дел од Кризниот штаб.
Значи, само лекарот може да одлучи какви епидемиолошки мерки може да се применат во една земја во пандемија. Следно ќе треба да биде заклучување, карантин од три недели, а не две, за да ја запреме оваа ситуација што ја имаме“, рече таа.
Тогаш треба да „продолжиме со пропусниците за ковид“ и „вакцинацијата со сите сили“, предложи Пауниќ.
Според премиерката Ана Брнабиќ претходно оваа недела, Србија вакцинирала повеќе од 55 отсто од граѓаните барем со првата доза, додека градските власти во Белград вчера објавија дека повеќе од 60 отсто од возрасните биле целосно вакцинирани во главниот град, а околу 250.000 ја примиле третата доза.
Како дел од редовната испорака на вакцини, Србија вчера доби уште 121.680 дози Pfizer, а српската влада во средата прифати полска донација од 200.000 дози Модерна, така што српскиот здравствен систем, со кинеската Sinopharm и рускиот Sputnik V, ќе имаат одобрени три вакцини од Европската Унија – Pfizer, AstraZenecа и Modernа.
Српското Министерство за здравство вчера објави 65 смртни случаи, 22.574 тестирани примероци и 6.217 новозаразени, а на одделенијата за коронавирус има 6.788 пациенти, од кои 275 се на респиратор.
Од почетокот на епидемијата во Србија се направени 6.276.443 тестови, а потврдени се 1.131.819 инфекции.
Србија денеска е на 35-то место во светот по бројот на заразени, објави специјализираниот портал Worldometers, а според бројот на починати на милион жители е на 70-то место.
Според критериумот на бројот на починати на милион жители, пред Србија се Словенија на 17-то и Хрватска на 18-то место, Романија (14), Унгарија (6), Црна Гора (5), Македонија (4), Бугарија (3), додека Босна и Херцеговина е на второто место, по Перу.
