Во заедничка акција со ОЈО Битола, од слобода е лишено лице од Битола за изнуда

Во заедничка и координирана акција на Основното јавно обвинителство Битола и на СВР Битола,  вчера во 17:25 часот во трговски комплекс на ул.„Климент Охридски“ во Битола, од слобода е лишен Д.Г.(42) од Битола поради сомнение за извршено кривично дело „изнуда”, информираат денеска од МВР.

Тој се сомничи дека во текот на 2024 и на 2025 година во повеќе наврати со закани барал пари од лице од Битола за различни услуги и потреби. По преземени мерки и активности, тој е затекнат при примање на пари од лицето, по што е лишен од слобода и приведен. По целосно документирање на настанот, против него ќе биде поднесена соодветна кривична пријава.