Возило на АРМ дел од НАТО-КФОР во Косово излетало во канал за наводнување, возачот е без повреди

За време на извршување на доделени задачи во рамки на операцијата на НАТО – КФОР во Косово вчера во вечерните часови се случила лесна сообраќајна незгода, без какви било последици на возачот, соопштија денеска од Канцеларијата за односи со јавноста во Генералштабот на Армијата.

Тие појаснуваат дека за време на извршување на редовна патрола од страна на припадници на Армијата со воено моторно возило во состав на нашиот контингент во зоната на одговорност во регионалната команда запад, поради лошите временски услови (слаба видливост и лизгав коловоз), се подвлекува во соопштението, возачот изгубил контрола поради што возилото излегло од патот во канал за наводнување.