Вработените во „Паркови и зеленило“ преку протести бараат плата и К-15, протест ќе има и утре

Денеска, се одржа собир на крстосницата пред ЈП „Паркови и зеленило“ – Скопје, каде персоналот бара надоместок на септемвриската плата, надоместок на К-15, јубилеен надоместок, новогодишен додаток, надомест за работници со преостанато работно време и надоместок за помош за починат член во семејството.

Демонстрации, според Независниот синдикат на „Паркови и зеленило“ – Скопје, ќе има и утре, од 10 до 12 часот, на крстосницата на булеварот „Илинден“ со улицата „Никола Тесла“.

„Се продолжува рокот на штрајкот во мирување заради запазување на сите законски процедури, кои предвидуваат регуларен штрајк. Пробуваме да ги исцрпиме сите законски демократски средства, да успееме да се договориме мирно“, изјави Атанас Георгиевски, претседател на Независен синдикат на „Паркови и зеленило“ – Скопје.