Вредноста на барел нафта вечерва на берзите од 93 до 97 долари

Цената на нафтата на светските берзи вечерва се стабилизираше под 95 долари.По 21 часот средноевропско време барел американска нафта на берзата се продаваше нешто над 93 долари а утрово достигна и 96 долари. На лондонската берза вредноста на т.н. БРЕНТ нафта исто така се намали на малку повеќе од 97 долари, откако преку денот се продаваше и околу 102 долари за барел.

Пазарите на почетокот на неделата беа охрабрени од проценките дека нафтата од Блискиот Исток сепак стигнува до купувачите во Индија, Кина и Пакистан, и покрај воената криза во регионот.

По американско-израелските напади, Иран ја презеде контролата врз Ормускиот теснец, клучниот морски премин за глобалната трговија со нафта. Техеран забрани транзит на бродови поврзани со САД, Израел, европските земји и нивните сојузници.

Сепак, теснецот не е целосно блокиран.