Вучиќ од денеска во дводневна посета на Македонија

Тој ќе учествува на Самитот на иницијативата „Отворен Балкан“, по што ќе присуствува и на состанокот „Западен Балкан и ЕУ“, објавија српските медиуми.

Вучиќ ќе присуствува и на лидерската средба за Планот за раст на Западен Балкан.

Покрај лидерите на Западен Балкан, генералниот директор на Директоратот на ЕК за соседство и преговори за проширување, Герт Јан Копман, помошникот државен секретар на САД за Европа и Евроазија, Џејмс О’Брајан и претставници на Советот за регионална соработка, на тој состанок ќе учествуваат претставници на Цефта и Инвестицискиот форум на Коморите на Западен Балкан, УСАИД, како и некои меѓународни финансиски институции.