За викендот на граничните премини кај Дебар фреквенцијата од над 4 илјади патници   

Голем е интересот на албанските државјани кои по отварањето на границите повторно започнаа да пристигнуваат во Дебар и тоа поради шопинг но и рекреација . За време на викендот на граничните премини Блато и Џепиште – Требиште кај Дебар границата ја минале во влез и излез  4201 патник , од кои најголем е бројот на албанските државјани .

Според портпаролката на СВР  Охрид  Мерлина Ислами , на граничниот премин Блато кај Дебар во викендот  границата ја минале 3.95о лица од кои влегле  2011, додека излегле 580.  На граничниот премин Џепиште – Требиште фреквенцијата била 251 од кои – за влез  143, додека за излез 108 .

Како и пред привременото затварање на границите пред три месеци  поради пандемијата од Корид 19, изминатите два дена во Дебар албанските државјани видно ја зголемија потрошувачката на прехранбени артикли, а прометот  особено на дизел во бензинските пумпи е неколку пати поголем.  Оваа е поради тоа што во нашава земја нафтените деривати се поевтини за една третина  а воедно и квалитетот  е многу подобар . 

К. М.