Заедничко чествување: Османи и Милков положија цвеќе на споменикот на Св.Климент Охридски

Со положување цвеќе на споменикот на Св.Климент Охридски пред Националната и универзитетска библиотека што го носи неговото име, министрите за надворешни работи на Македонија и на Бугарија, Бујар Османи и Николај Милков заеднички го чествуваа ликот и делото на Св.Климент Охридс

Во рамките на денешните активности во Скопје по повод одржувањето на бизнис форумот меѓу двете земји, Османи и Милков ја посетија НУБ „Св.Климент Охридски“, каде што, како што соопшти МНР, ја разгледале богата колекција на уметнички дела – изложба посветена на 50-годишнината од пуштањето во употреба на специјалниот наменски објект на НУБ „Св. Климент Охридски“, дело на архитектот Петар Муличковски, како и изложба на дела од еминентни ликовни уметници на кои е претставен Св. Климент Охридски од колекцијата на Климе Коробар.

Претходно, на заедничката прес-конференција на двајцата министри Милков рече дека

заедничката историска комисија има најголеми заслуги штонеговата земја и Македонија ќе го прослават заеднички делото на Свети Климент Охридски.

Сакам да одбележам дека за првпат ја празнуваме дејноста на Свети Климент Охридски кој е еден од најпознатите ученици на светите браќа Кирил и Методиј кои ние ги почитуваме. Заслугата заеднички да чествуваме некој празник оди кај историската комисија и сакам да ја пофалам работата нејзина затоа што придонесува за развојот на нашите односи, рече Милков пред македонско-бугарскиот форум кој ги собра бизнисмените од двете земји.