Сакам да објавам дека од 1 јануари пензиите ќе растат согласно растот на цените на мало и согласно растот на просечните плати, односно секој 1 јануари и секој 1 јули ќе имаме видливраст на пензиите, рече претседателот на СДСМ Зоран Заев денеска од Делчево соопштувајќи ја донесената одлука за измена на методологијата за пресметка на пензиите.

Тој нагласи дека досега пензиите растеа само согласно растот на цените на мало.

-Секаде во Европа, во државите кои направиле економска сигурност на својот пензиски фонд и на својот буџет е вграден и вториот механизам, а тоа е порастот на просечните плати, рече Заев.

Тој додаде дека кај нас просечните плати кај нас растеа 10 пати повеќе во проценти од растот на цените на мало.

Тоа ќе значи и видлив пораст на пензиите, рече Заев.