Заев: Усвоен договорот за коалицирање со ДУИ, обезбедено мнозинство за Влада

Зоран Заев после централниот одбор на СДСМ, ги истакна одлуките кои што беа донесени вечерва. Заев потврди дека на седницата е усвоен договорот за коалицирање со ДУИ и ги истакна предложените министри.

„Централниот одбор на СДСМ ја одржа 16-та седница, на која се донесоа важни одлуки околу формирањето на новата влада. Се усвои договорот за коалицирање со политичката партија ДУИ. Со тоа е обезбедено парламентарно мнозинство за формирање на Влада. Имавме големина јас и Ахмети, се согласивме јас да ја водам владата 4 години, а во последните 100 дена да има премиер по предлог од ДУИ.

Следуваат конкретни итни мерки за финансирање на капитални инфраструктурни проекти. Во делот на судските реформи, ќе инсистираме на силна транспаретност и одговороност во распределбата на предметите. Следува прочистување на судството и потекло на имотот и парите.

Уште повеќе продолжуваат инвестициите во јавното здравство во битката против коронавирусот.

Во делот на надворешната политика, продолжуваме на имплементација на договорите со Грција и со Бугарија, како и рамковниот договор.

Овие принципи ќе ги реализираат професионални, отчетни и одговорни кадри посветени на интересирите на граѓаните. Централниот одбор ги прифати предложените кандидати за министри.

СДСМ во своите редови на свои предлог номинира:

Вицепремиер за економски прашања – Фатмир Битиќи
Вицепремиер за борба против корупција – Љупчо Николовски
Вицепремиер за европски прашања – Никола Димитров
Министер за внатрешни работи – Оливер Спасовски
Министер за правда – Бојан Маричиќ
Министер за одбрана – Радмила Шекеринска
Министер за транспорт и врски – Благој Бочварски
Министерс за труд и социјална политика – Јагода Шахпаска
Министер за култура – Ирена Стефоска
Министерство за здравство – Венко Филипче
Министерство за образование – Мила Царовска“, рече Заев.