Загина уште еден руски тајкун во чудни околности
Со смртта на Абдулаев продолжува низата на смртни случаи на руски богаташи и функционери кои починаа под мистериозни околности од почетокот на инвазијата на Украина. Абдулаев беше близок со поранешниот претседател и премиер на Русија, Дмитри Медведев, но и жестоко се противеше на војната во Украина.
Абдулаев беше премиер на Дагестан од 2010 година до 2013 година. На таа должност беше именуван во мандатот на Медведев со кого, според медиумски извештаи, заедно студирале. Во 2015 година против него била почната кривична постапка за злоупотреба на функцијата и како што пишуваат медиуми, оштетил училиште за повеќе од 20 милиони рубљи, наменети за паушални исплати на студентите. Истрагата за случајот заврши во 2017 година, но судење немаше.
Од почетокот на руската инвазија на Украина, под неразјаснети околности, починаа 10 руски олигарси и лица поврзани со рускиот претседател Владимир Путин.