Заловувачите од „Лајка“ две недели ќе ловат улични кучиња во Аеродром

Од денеска заловувачкиот тим на ЈП „Лајка“ тргнува во акција, па како што информираат оттаму, започнува стратешко заловување на бездомни кучиња по општините. Првите две недели заловувачите ќе бидат во различни реони во општина Аеродром

Неделава ќе се заловува Долно и Горно Лисиче, на Тодор Чангов и во населба Лисиче, а од 13 до 17 март и во населбите Ново Лисиче, Јане Сандански, Реонски Центар, кај ТЦ „Бисер“, Стар Аеродром, Мичурин и Острово.