Започнаа редиците на бензинските пумпи

Од полноќ во земјава стапуваат на сила новите цени на горивата, а возачите веќе создаваат редици на бензинските пумпи. Според Регулаторна комисија за енергетика на Северна Македонија, дизел горивото поскапува за 14,5 денари по литар, додека бензините поскапуваат за пет денари по литар.

За резервоар од 50 литри, новата цена на Еуродизел ќе изнесува 4.275 денари, односно 725 денари повеќе од претходно. Возачите на автомобили со Еуросупер 98 ќе треба да издвојат 4.075 денари за полн резервоар, што е 250 денари повеќе.

Ако се пресмета месечната потрошувачка при околу 1.000 километри возење, просечниот трошок ќе се зголеми на 6.840 денари за дизел и 6.520 денари за бензин, што значи дополнителни 1.160 денари за дизел и 400 денари за бензин на месечно ниво.

Новите малопродажни цени се:

Еуросупер БС-95 – 79,5 денари за литар

Еуросупер БС-98 – 81,5 денари за литар

Еуродизел БС (Д-Е V) – 85,5 денари за литар

Екстра лесно масло за горење – 82,5 денари за литар

Мазут М-1 НС – 42,586 денари за килограм

Новите цени се очекува да предизвикаат дополнителни редици на бензинските пумпи во следните денови, додека граѓаните се прилагодуваат на поскапувањата.