Застрелан косовски полицаец пред неговата зграда во Качаник

Припадник на косовска полиција е убиен синоќа во Качаник.Полицаецот бил пронајден тешко повреден на влезот од неговата зграда, а потоа бил пренесен во Медицинскиот центар во Качаник, каде починал.

Портпаролот на полицијата Канун Весељи, за новинарите изјави дека инцидентот се случил синоќа околу 23 часот.

Другите околности на смртта се уште не се познати.

„На 01.04.2025 година околу 23 часот добивме информација дека едно лице е повредено и во тешка состојба на влезот во неговата зграда, на улицата „Идриз Сефери“ во Качаник. Покрај полициските единици, на местото на настанот пристигнала и екипа на Брза помош од Качаник“, изјави Весељи.

Тој исто така рече дека регионалните истражители и форензичарите пристигнале на местото на настанот и ќе ги спроведат потребните испитувања.

Причините за овој инцидент се уште не се познати. За дополнителни информации навремено ќе бидете известени“, рече Весељи