Зеленски: Бројот на загинати во рускиот напад на Киев се зголеми на 25

Украинскиот претседател Володимир Зеленски денеска изјави дека најмалку 25 луѓе загинале во четвртокот во руските напади во Киев, според новиот број на жртви.

– Во овој момент знаеме дека 25 луѓе се убиени, вклучувајќи четири деца, а десетици други се повредени, напиша Зеленски на X.

Украинскиот претседател оцени дека тој „апсолутно подмолен“ напад ги покажал „вистинските намери“ на рускиот претседател Владимир Путин.

– Да продолжи со убивањето, да не презема чекори за постигнување мир, рече Зеленски.

Европските функционери жестоко ги осудија вчерашните руски напади врз Киев, оценувајќи дека тие покажуваат дека Москва навистина не сака да преговара за прекин на војната која трае повеќе од три и пол години.