Зеленски: Унгарски дронови го нарушија воздушниот простор на Украина; Сијарто: Зеленски го губи разумот
Претседателот на Украина Володимир Зеленски денеска соопшти дека извидувачки дронови, кои најверојатно ѝ припаѓаат на Унгарија, го нарушиле воздушниот простор на Украина долж границата. Ова е прв ваков пријавен инцидент.
Во изјава објавена на социјалната мрежа Икс, Зеленски рече дека украинските сили забележале упади на дронови над пограничните области и дека прелиминарните проценки сугерираат оти беспилотните летала „спроведувале извидување на индустрискиот потенцијал на пограничните области на Украина“.
„Наредив да се проверат сите достапни информации и да се достават итни извештаи за секој регистриран инцидент“, рече Зеленски.
Унгарскиот министер за надворешни работи, Петер Сијарто, ги отфрли забелешките на Зеленски, пишувајќи на Х: „Претседателот Зеленски го губи разумот поради неговата антиунгарска опсесија. Сега почнува да гледа работи што ги нема“.
We are starting to see a lot of things, Peter, including your government's hypocrisy and moral degradation, open and covert work against Ukraine and the rest of Europe, serving as a Kremlin lackey. No amount of your attacks on our President will change what we—and everyone—see. https://t.co/Te6Zgv7Q9o
— Andrii Sybiha 🇺🇦 (@andrii_sybiha) September 26, 2025
На ова следуваше одговор од украинскиот министер за надворешни работи Андриј Сибиха. „Почнуваме да гледаме многу работи, Петер, вклучувајќи го лицемерието и моралното деградирање на вашата влада, отворената и прикриената работа против Украина и остатокот од Европа, служејќи како послушник на Кремљ“, напиша Сибиха.
