Земјотрес од 2,8 степени по Рихтер со епицентар во Косово, почувствуван во Скопје

\ Земјотрес со Рихтерова локална магнитуда ML2,8 и интензитет од II-III степени според Европската макросеизмичка скала, во 08:28 часот изутринава беше почувствуван од населението во Скопје и околината, соопшти Сеизмолошката опсерваторија при Природно-математичкиот факултет во Скопје.

Епицентарот на земјотресот, како што се посочува, бил на 26 километри североисточно од Скопје во соседна Република Косово.