„ЗЛОСТОРНИЧКО ЗДРУЖЕНИЕ“ ВО УЈП: Србин и даночници „испрале“ 4,8 милиони евра – најдени лажни печати и оружје

Голема полициско-обвинителска акција го разниша темелот на даночниот систем. ОЈО за гонење на организиран криминал и корупција (ГОКК) отвори истрага против 20 лица, меѓу кои високи функционери на УЈП и еден српски државјанин, кои се сомничат дека го оштетиле државниот буџет за неверојатни 4,8 милиони евра (297.733.844 денари).

Акцијата, која траела до доцните часови вчеравечер, опфатила претреси на 16 локации низ државата. Истражителите пронашле и одзеле фиктивна документација, пари, оружје и лажни печати од фирми.

Шемата: Српски газда и службеници од УЈП

Според Обвинителството, „мозокот“ на операцијата е српски државјанин, сопственик на две фирми, кој заедно со двајца службеници од УЈП – Регионална дирекција Скопје, во 2023 година формирале злосторничко здружение. Целта била јасна: даночно затајување, даночна измама и перење пари. Во мрежата подоцна биле вклучени и други бизнисмени од Скопје и Гевгелија.

Како ги краделе парите?

Осомничените користеле софистицирани методи за испумпување на државни пари:

Лажен поврат на данок: Со помош на вработените во УЈП, фирмите поднесувале лажни пријави и добивале неоснован поврат на данок, со што буџетот е оштетен за 31 милиони денари.

Затајување: Првоосомничениот избегнал да плати данок од 11,5 милиони денари преку лажни податоци.

Перење пари: Групата вршела трансфери и подигање на кеш за да го прикрие потеклото на парите во вредност од 92 милиони денари.

Злоупотреба на службена положба: Вработените во УЈП (дел на раководни позиции) директно нанеле штета од најмалку 163 милиони денари.

Притвори и забрани

Јавниот обвинител побара строги мерки:

Притвор: Побаран е за 8 лица. За двајца од групата веќе има активна мерка притвор за друг предмет поврзан со Агенцијата за финансиска поддршка во земјоделството.

Мерки на претпазливост: За останатите 10 лица (главно вработени во УЈП) се бара одземање пасош и забрана за вршење на работни активности во Управата.

Случајот е резултат на соработка помеѓу ОЈО ГОКК, Управата за финансиско разузнавање и Агенцијата за национална безбедност (АНБ