Инфантино со поддршка за Сејдини

Претседателот на Светската фудбалска федерација (ФИФА), Џани Инфантино, денес преку видео-порака му искажа поддршка на актуелниот претседател и единствен кандидат на Изборното собрание на Фудбалската федерација на Македонија, Муамед Сејдини.

– Не можам да бидам со вас, бидејќи сум во Мароко, но со срцето сум таму со вас. Муамед е номиниран како единствен кандидат на претседателските избори во вашата федерација. Драг пријателе, ти честитам однапред. Одлично ја работиш работата и се разбира дека ќе продолжиш така со својот тим и во иднина. Честитки и за пласманот на македонската репрезентација на Европското првенство. Вашиот слоган е „Сега е наше време“. Сега е ваше време, време да заблескате, да се развивате и во женскиот и младинскиот фудбал. Во овој развој секогаш можете да сметате на ФИФА. Со нетрпение чекам кога ќе дозволат условите да дојдам и повторно да се сретнеме. Ви посакувам успешно Генерално изборно собрание и успешен настап на ЕП, стои во обраќањето на Инфантино.

ФФМ денес ќе одржи Изборно собрание на кое се очекува Муамед Сејдини да добие нов претседателски мандат.