Жител на Врапчиште лажно сведочел, обвинителството бара да се казни
Од Обвинителството информираат дека 44-годишен маж лажно сведочел во судска постапка, поради што сега бараат да биде казнет.
-Основното јавно обвинителство Гостивар поведе постапка и до надлежниот суд поднесе Предлог за издавање казнен налог против едно лице на возраст од 44 години за кривично дело – Давање лажен исказ од член 367 став 1 од Кривичниот законик, велат од Обвинителството.
Оттаму појаснуваат дека лажниот исказ сведокот го дал во октомври минатата година.
-Обвинетиот, на 19.10.2021 година, дал лажен исказ пред судот, јавувајќи се во својство на сведок-оштетен на главна расправа во постапка по поднесено обвинение за кривични дела Лихварство и Изнуда. Притоа тој ги негирал наводите од записникот за поднесена пријава, врз основа на која било поднесено обвинението против лицето осомничено за овие две кривични дела., додаваат од Обвинителството.
