Судот ја потврди забраната на Пентагон за „Антропик“

Федералниот суд во Вашингтон одби да ја поништи одлуката на Пентагон да ја исклучи стартап-компанијата за вештачка интелигенција „Антропик“ (Anthropic) од учество во владините договори, поради загриженоста дека нејзиниот модел, „Клод“ (Claude), би можел да одбие извршување на одредени воени мисии.

Судија од Сан Франциско, минатиот месец во друг случај ги укина преостанатите санкции воведени од администрацијата на претседателот Доналд Трамп за „Антропик“, меѓу кои и директивата со која од сите федерални агенции се бараше да престанат да го користат „Клод“.

Судот во Вашингтон пресуди дека способноста на „Антропик“ да ги ограничува дејствата на својот модел ја прави легитимна забраната на Министерството за одбрана.