Сликите и снимките од бомбардираното породилиште и детската болница во Мариупол го обиколуваат светот  

Русите ги бомбардираа родилиштето и детската болница во Мариупол, а сликите од ова злосторство го обиколуваат светот. Зградата на болницата е тотално уништена, автомобилите кои биле паркирани таму изгореле. Сликите покажуваат како ги спасуваат трудниците.

Руското бомбардирање на педијатриската болница во Мариупол во средата е „воено злосторство“, рече украинскиот претседател Володимир Зеленски во видео порака.

„Денес се дефинира. Кој на која страна е. Руски бомби паднаа врз болницата и породилиштето во Мариупол… Тие згради беа уништени. Досега има 17 повредени“, рече тој.

“Каква земја, Русија, се плаши од болници и породилишта и ги уништува? праша тој, осудувајќи ги „злосторствата“ извршени во Мариупол, пристаниште на југот на земјата што е под руска опсада повеќе од една недела.

Тамошните локални власти соопштија дека во деветте дена од опсадата биле убиени 1.207 цивили.

„Воздушните напади се последната потврда. Потврда дека геноцид врз Украинците во моментов се случува…Никогаш и никогаш не би извршиле воено злосторство како ова во градовите Доњецк или Луганск или кој било друг регион“, рече Зеленски, мислејќи на двата града.источна Украина ја држат проруските сепаратисти.

Руското бомбардирање на болница во Мариупол наиде на осуда од западните земји, папата и УНИЦЕФ и Светската здравствена организација.

Во Москва, портпаролката на руското Министерство за надворешни работи, Марија Захарова, рече дека украинските „националистички единици“ ги евакуирале пациентите и болничкиот персонал за да ја користат како база за пукање