Скопјанец со податоци од туѓи платежни картички си купувал на интернет

Полицијата вчера го лишела од слобода 23 годишниот Г.Д поради сомнение дека злоупотребил туѓи податоци од платежни картички и ги употребил за онлајн плаќање.

„СВР Скопје – Единица за економски и компјутерски криминал поднесе кривична пријава против Г.Д.(23) од Скопје, поради постоење основи на сомнение за сторено кривично дело „оштетување и неовластено навлегување во компјутерски систем” казниво по член 251 од Кривичниот законик. Пријавениот обезбедил податоци од платежни картички на две лица и во периодот од 31.05.2022 до 17.06.2022 ги употребил за плаќање на повеќе интернет продажни места“, информираат од МВР.

Притоа, едното лице го оштетил за сума од 120.310 денари, а другото лице го оштетил за сума од 14.901 денари, со што за себе остварил противправна имотна корист во вкупен износ од 135.211. денари