850 претставници на ЕУ ја обвинија Фон дер Лајен за пристрасност кон Израел во конфликтот со Хамас
Претседателката на Европската комисија Урсула фон дер Лајен се соочува со критики за нејзина наводна пристрасност во конфликтот меѓу Израел и Хамас, јави дописникот на МИА од Брисел.
Според „Еурактив“, околу 850 претставници на ЕУ и на земјите членки минатата недела испратиле писмо до ЕК, во кое и забележуваат на Фон дер Лајен дека на вонредниот Самит на Унијата на 17 октомври и при нејзината посета на Израел на 13 октомври, „не потенцирала“ дека Израел мора да го почитува меѓународното хуманитарно право во својот одговор на нападот на Хамас, како и што направиле други лидери на блокот.
По ова уследи интерен меморандум на ЕК во кој се посочува дека ЕУ работи за безбедноста на цивилите „од сите вери и националности“, при што се додава дека Фон дер Лајен „сака да им се заблагодари на колегите кои ги споделиле своите ставови и чувства во врска со овие многу тешки и емотивни случувања“, без експлицитно да се наведе дека документот е реакција на писмото.
Претседателката на Европската Комисија (ЕК), Урсула фон дер Лајен, попладнево порача дека фармацевтската компанија БиоНТех/Фајзер има обврска да ги достави ветените вакцини за втората доза.
– Трагичните настани што се случуваат на Блискиот Исток се длабок извор на загриженост и тага за сите нас… Во исто време, жалиме за загубата на сите невини животи во овој конфликт – од сите вери и од сите националности… Од почетокот на оваа криза, ние работевме деноноќно за да ги олесниме страдањата на сите погодени од неселективните терористички напади, се додава во документот потпишан од Фон дер Лајен, со датум од 21 октомври.
Во меморандумот доставен до персоналот на ЕУ, Фон дер Лајен истакнува дека „Европа секогаш ќе биде на страната на човештвото и на човековите права“ и ќе работи заедно со меѓународната заедница за да обезбеди почитување на меѓународното хуманитарно право.
– ЕУ ги удвојува напорите да обезбеди итна хуманитарна помош за цивилите погодени од оваа војна… Целта е да се помогне да се донесе стабилност и траен мир во регионот, врз основа на решението за две држави, како што неодамна беше потврдено од Европскиот совет, се додава во интерниот документ.
Во меѓу време, францускиот претседател Емануел Макрон најави дека Франција ќе испрати „најмалку авион и брод“ за да достават медицинска помош за болниците во Газа, отфрлајќи ги обвинувањата за „двојни стандарди“ во одговорот кон Израел и Палестинците.
Нема одложување на општинските и меѓуопштинските избори во Франција, но ќе има строги мерки во однос на пандемијата на коронавирусот.
– Хуманитарната помош мора без пречки да стигне до Газа. Ние ќе бидеме целосно вклучени, особено во обезбедувањето пристап до лекови и здравствена заштита за цивилите во Газа, изјави Макрон по дводневната посета на Блискиот Исток, за време на која се сретна со лидерите на Израел, Јордан, Египет на палестинските автономни власти.
Од друга страна, во холандскиот Парламент е покрената иницијатива од страна на две мали левичарски партии што ги застапуваат интересите на Холанѓаните со блискоисточно и африканско потекло за „повлекување на поддршката на Договорот за асоцијација на ЕУ со Израел“.
Во предлогот се бара холандскиот премиер Марк Руте за време на Самитот на ЕУ, што ќе се одржи денеска и утре во Брисел, да побара „суспензија на Договорот за асоцијација со Израел“. Според предлагачите на иницијативата, услов за продолжување на холандската поддршката за Договорот треба да биде итно прогласување на прекин на огнот во најновиот конфликт на Блискиот Исток.
