ГАЛЕРИЈА: Напуштени и морничави забавни паркови

Од џиновски кукли до гладни алигатори, нема ништо толку морничаво како напуштени забавни паркови. Тие се прекрасни и рекултивирани од природата, но истовремено полни морничави, а интригантни детали.

Доколку ја сакате атмосферата на весели забавни паркови, текстов веројатно не е за вас. Но, за љубителите на морничави приказни, тука се осумте најзастрашувачки напуштени забавни паркови.

Хо Тај Тиен аквапарк, Виетнам

Хо Тај Тиен аквапаркот се отвори во 2004 година и се затвори по само две години а, очекувано, имало и гласини за клетви, гладни крокодили, а денес го посетуваат само патувачки влогери.

Минатата година се зборуваше за реновирање, но сè уште ништо не се случува.

Шпреепарк, Германија

Кога се урнал Берлинскиот ѕид, единствениот забавен парк во Германската Демократска Република бил продаден на претприемачот Норберт Вите и неговата сопруга Пиа.

10 години подоцна Вите банкротирал заминал за Перу со шест атракции, во обид да си ја проба среќата во Лима. Успехот на овој потфат може да се процени по фактот дека тој подоцна бил затворен затоа што се обидел да врати кокаин во вредност од 14 милиони фунти во Германија во атракцијата – Летечкиот тепих.

Кралството Гуливер, Јапонија

Со оглед на нејзината локација, сместен наспроти Аокигахара позната како „шумата за самоубиства“ и седиштето за култот на Аум Шинрикио во Јапонија, може и да се замисли зашто овој парк за Џонатан Свифт не бил популарен.

-Тоа е нешто со кое би можеле да се плашат деца: „Бидете добри, или ќе одиме да ја видиме огромната, кошмарна статуа на маж од книга што никогаш не сте ја прочитале“. Сега е урнат; веројатно најдобро за колективната психолошка благосостојба на планетата – пишува Гардијан.

Земјата на чудата, Пекинг

Зошто секогаш има толку многу замоци во забавни паркови?

Овој замок во Земјата на чудата во Пекинг никогаш не бил отворен – после две фази на долго градење од 1998 до 2008 година, локацијата стана аутлет мол, но замокот сè уште стои.

Шест знамиња, Њу Орлеанс, САД

Ураганот Калтрина беше крајот за овој забавен парк што и онака не бил многу посетен. Оттогаш неколку пати имало обиди за негово реновирање, но завршиле неуспешно.

Сепак, го привлекува вниманието на филмските екипи. Пред да почне снимањето на “Перси Џексон: „Морските чудовишта“ се вели дека 100 алигатори биле преместени од таму, а за време на снимањето член на екипата бил хоспитализиран после каснување од змија.

Грано де Оро, Венецуела

Животниот стандард и сиромаштијата во Венецуела во градот Маракаибо била толку лоша, што во извештај на Асошиејтед Прес се вели дека луѓето ограбувале гробови.

Фактот дека сите имале многу други работи за кои требало да се грижат, како што се чиста вода, храна и основна медицинска нега, но и постојаните прекини на струја веројатно го направиле работењето на забавен парк прилично незгодно.

Западно село, Јапонија

И покрај амбициозните аниматронски каубојци овој забавен парк во Нико, Јапонија е затворен во 2007 година.

Припјат, Украина

И најпознатиот напуштен забавен парк во светот, во Припјат, Украина.

Требало да се отвори на 1 мај 1986, но нуклеарната катастрофа во Чернобил се случила неколку дена претходно на 26 април.

Извор: Гардијан

Превод: Марта Стевковска