Во тек е спасувачка акција во Мавровско Езеро – две лица се превртиле со чамец

Екипи на МВР и ренџерската служба на НП “Маврово” и локални жители се обидуваат да извлечат две лица од Мавровско Езеро.

Според првичните сознанија тие претпладнево со чамец се движеле низ езерото и во еден момент налет на ветер им го превртел пловилото и тие се нашле во водата.

Тие најверојатно успеале да се одржат на површината и се држат за чамецот и почнале да бараат помош.

Нивното извлекување е отежнато заради неповолните услови, кои ги создаваат брановите и ветерот.

Преку единствен број за итни повици 112 во 12.37 часот на ден 15.03.2025 година од страна од случаен минувач добиена е информација за превртен чамец со две лица во Мавровско Езеро. Лицата во моментот се држат за чамецот и самата струја ги носи кон хидроцентралата, соопшти Стојанче Ангелов.

-Од наша страна веднаш е стапено во контакт со Диспчерски центар на ЕЛЕМ и со директорот на ХЕЦ Маврово и известен сум дека немаат исправен чамец. Известено е одговорното лице од Ренџерска служба од Национален парк Маврово и од истите известен сум дека имаат чамец и поради силниот ветер во Мавровското езеро има бранови и луѓето не се специјализирани за спасување во води и претставува потенцијална опасност да ги загрози и своите вработени. Во истиот момент преку РЦУК Тетово известени се ПС Маврово, ДЗС Гостивар, Општина Маврово и Национален Парк Маврово ренцерска служба. Испратено е барање до ДЗС за ангажирање на чамец и специјализиран тим за спасување во води.Исто така од наша страна изпратено е барање на МВР за нивна проценка и ангажирање на специјален тим со чамец или хеликоптер се со цел да се спасат двет лица во Мавровското езеро. Известен е директотор на ХЕЦ Маврово привремено да го запре производството на електрична енергија како би се избегнале струите во изерото. Од страна на Раководителот на СОК сум известен дека ќе биде ангажиран хеликоптер со лица од спцијална единица (Тигри), а чамецот ќе биде обезбеден од страна на одговорнот о лице од Ренџерите во Националниот парк Маврово. Во тек е координативната акција за спасување на двете лица во превртениот чамец, рече Ангелов.

Фото: https://www.myguidemacedonia.com/experiences/national-park-mavrovo-from-ohrid