(ВИДЕО) СДСМ: Тендер скроен по мерка на Тошковки – 20 дена по основање фирма добива 4 милиони евра

Прес-конференција на СДСМ

Министерот Панче Тошковски е фатен жив во скандал тежок 4 милиони евра.

Министерството за внатрешни работи доделило милионски тендер на фирма без ниту еден ден искуство – основана само 20 дена пред распишување на тендерот!

Тошковски сам го потврди скандалот, признавајќи дека договори склучила и фирма само со двајца вработени.

Во обидот да се оправда, Тошковски се дозаплетка, со низа контрадикторности и небулози –со што ги потврди сите сомнежи за класична, организирана корупциска шема.

Одиме по ред.

Тошковски вели дека се водел по „квалитетот” на понудата, а истовремено ги намалил критериумите за избор.

Ако навистина се бирал квалитет, зошто не биле поставени јасни услови за искуство и капацитети?

Или зад тој „квалитет” се кријат квалитетни врски и провизии за Тошковски и ВМРО-ДПМНЕ?

Таков тендер скроил Тошковски, со намалени критериуми. Очигледно го сошил по негов терк.

Се е бизнис интерес за оваа Влада на ВМРО-ДПМНЕ нема ништо друго.

Како е можно фирма што дотогаш не постоела, да ги исполни сите услови и да достави мостри за квалитет какот што тврди Тошковски?

Кој ѝ ги кажал условите однапред? Кој ја подготвил да учествува и победи?

Каде се тие мостри што ги доставила, кога фирмата не ни постоел.

Никој овде нема наивен, постојат основани сомнежи за местење тендери и блсики релации.

Овде не станува збор за случајност – станува збор за системска корупција на ВМРО-ДПМНЕ.

Затоа СДСМ бара:

-Итна постапка од Јавното обвинителство, распит на сите лица вклучени во скандалот,

-Испитување на можни кривични дела: злоупотреба на службена положба, местење тендер, перење пари.

-Поништување на целиот тендер.

Дополнително, бараме јавно да бидат објавени резултатите и споредбите на мострите по ваквите анализи.

Кои биле критериумите за анализа и споредба на мострите од ралзични фирми, кој е резултатот за секоја фирма и како се оценети сите учесници на тендерот?

Граѓаните заслужваат одговори, заслужуваат да видат каков тендер скроил Тошковски и за кого го шиел.