Стејт департментот го осуди обидот за атентат врз колумбискиот претседателски кандидат

Стејт департментот остро го осуди обидот за убиство на колумбискиот претседателски кандидат, сенаторот Мигел Урибе, и го повика претседателот на Колумбија, Густаво Петро, ​​да се воздржи од „запалувачка реторика“ и да ги заштити колумбиските функционери.

Во соопштението се наведува дека одговорните за нападот мора да бидат казнети.

Се нагласува дека обидот за убиство на Урибе претставува директна закана за демократијата, како и дека „тој е резултат на насилна левичарска реторика што доаѓа од највисоките нивоа на колумбиската влада“.